Stad en Ommeland

Dizze week kiezen we de nije bestuurders van onze provincie, de leden van de Provinciale Staten. Stad en Ommeland vörmen nou soamen één geheel, mor dat was 500 joar wel aans. En moakt dat wat uut, wie der woensdag op het pluche kommen te zitten aan t Martinikerkhof?

Veur 1500 laggen de stad Grunnen en de omliggende gewesten zoas Fivelingo en t Westerkwartier voak overhoop. De Stad perbeerde alle macht noar zich toe te trekken en doar wadden de jonkers het niet met eens. Keizer Karel V voegde Stad en Ommeland rond 1512 as geheel toe aan zien Bourgondische Kreits en toen was er sprake van één gewest. Mor ok ien de 80-joarege oorlo, die doar op volgde was er mot. De Ommeland stonden pal achter de opstandelingen, die van de Spaanse heersers òf wilden, mor de Stad bleef spaans. De Ommelanden deden van t eerste moment lid van de Unie van Utrecht en Stad hobbelde doar achter aan. Pas in de 18^e eeuw, met de Franse overheersing kwammen de pervincie as geheel noar veuren. Ondertussen had de Staten, woar de stad en gewesten geliek ien vertegenwoordigd wadden, hun intrek nommen en het olde Sint Maartenscollege  en in dat gebouw vlak achter de Martinitoren is nog steeds het bestuurlijk centrum van Grunnen. Dat gebouw is zo nou en dan te bezichtegen. Een mooi gebouw met veul kunst van de Ploeg.

Het bestuur van de Pervincie bestiit uut 1 Commesaris, 5 gedeputeerden en 43 stoatenleden. Die zitten veur 4 joar en bennen nou weer aan de beurt om vervangen te worden. Best belangrieke verkiezingen, want de Provinciale Staten kiezen ok weer de leden van de Eerste Kamer, die de  landeleke besluuten moeten goedkeuren.

Hebben die luu het dan over belangrieke dingen en hoe zit dat dan met ons Westerkwartier. Leefboarheid, woningbouw, natuur en cultuur, vervoer, veurziening en waark dat bennen onderwaarpen woar de pervincie een dikke vinger ien de pap het.

Denk bij ons es aan het vervoer van en noar de Stad. De Friesestraatweg en de snelweg stoan host alle mörrengs vol en ok de treinen en bussen puulen uut van forenzen en studenten. Betere fietsverbiendingen en de koppeling tussen Hoogkerk en SLoaperstil bennen mooie klussen woar de politiek de tanden op stukbieten kin. Trouwens als die mooie nije bruggen bij Zuudhörn en Auwerd bennen pervinciewaark.

De pervincie het t natuurlek ok drok met alle ellende die uut de delfstofwinning komt, al holt de minister de vinger op de knip. Het geluud van de pervincie as spreekbuis van de bewoners is zeker belangriek en zij hemmen ok de regie over de gelden, die veur gebiedsontwikkeling vrij komt.

De krimp van de bevolking en de roep om meer zörg en betere veurzienings vroagen van de pervincie om goed noar de toekomst te kieken. Welke kaant moeten we op. Wat goan we doen as t gas op is. Woar kommen wel/geen wiendmeulens, moeten we aandacht hemmen veur wotterstofgas en hoe krieg we goeie boanen ien onze streek, doar gijt t om.

Alle partijen hemmen doar hun eigen oplössingen veur en de zoaken as de Kieswijzer helpen dij om een overzicht te kriegen van de standpunten en noadrukken. Alle landelijke partijen bennen verkiesboar, mor ok de lokoalen, die het zo goed deden bij de gemeenteroad, bennen ien beeld. De keuze is reuze en de keuze is aan het volk.

Oh ja en den hemmen we ien de kantlijn ok nog de Wotterschapsverkiezing. Goeie zörg veur dieke, grondwaotterstand, kansen veur boeren en natuur bennen zeker belangriek (kiek mor noar de dreugrte van 2018) veur ons. Politiek bennen de verschillen niet groot mor ok hier is de keuze enorm. Rooie potlood sliepen en woensdag mooi op tied noar de stembus. Het is de keuze veur de kommende 4 joar, dus belangriek.


?F6